Kuri uyu wa Kabiri ushize, leta enye, ifasi imwe y’Abanyamerika hamwe n’Abademokarate baba mu mahanga bakoze amatora yabo y’ibanze.

Ibyavuye mu matora bivuze ko abatora bo muri Amerika basa nk’abagiye gusubiramo icyiciro cya kabiri cy’amatora giye n’amatora ya perezida yo mu 2020 mu mezi umunani ari imbere.

Kandidatire zizemezwa ku mugaragaro mu nama z’ishyaka mu mpeshyi nk’uko iyi nkuru dukesha BBC ivuga.

Ku mugoroba wo kuri uyu wa Kabiri, Perezida Biden w’imyaka 81 y’amavuko yashimye abatora bashyigikiye icyifuzo cye cyo kongera gutorwa "mu gihe iterabwoba Trump arimo gutera rikomeye kuruta mbere hose".

Avuga ku bukungu bwifashe neza, yemeje ko Amerika "irimo kugaruka" ariko ko yahuye n’ibibazo by’ejo hazaza nka demokarasi, ndetse n’abashaka gukuraho amategeko abuza gukuramo inda no guhagarika gahunda zo guteza imbere imibereho.

Mu itangazo rye, Biden yagize ati: "Nizera ko Abanyamerika bazahitamo kutugumisha mu kugana ahazaza."

Ubuyobozi bwahaye Biden umwitangirizwa kandi ntabwo yahuye n’imbogamizi mu kongera kugirwa umukandida w’Abademokarate.

N’ubwo abatora bakomeje guhangayikishwa n’uko imyaka ye igabanya ubushobozi bwe bwo gukora imirimo ya perezidansi, ntibyabujije ishyaka kumuhitamo.

Hagati aho, Trump, w’imyaka 77, akomeje gushyigikirwa cyane n’Abarepubulikani bamugejeje ku ntsinzi mu matora y’ibanze nyuma yo guhangana na bagenzi be na bo bari biteguye neza.

Mu kwiyamamariza manda ya kabiri muri White House yashimangiye ko azongera gukaza amategeko akumira abimukira, harimo no gufunga imipaka no gushyiraho gahunda zo gusubiza inyuma abinjiye mu gihugu binyuranyije n’amategeko.

Trump kandi yiyemeje kurwanya ibyaha, kuzamura umusaruro w’imbere mu gihugu, gusoresha ibicuruzwa biva mu mahanga, guhagarika intambara yo muri Ukraine no gusubukura gahunda yo gushyira Amerika imbere ku bibazo by’Isi.