Yampano na Vava batandukanye mu buryo bushingiye ku makimbirane akomeye
Yampano na Vava batandukanye mu makimbirane akomeye, hakavugwa ko Yampano yaba yatawe muri yombi na RIB ariko nti biremezwa ku mugaragaro.
Amahoro n’umubano mwiza mu rugo rw’umuhanzi Yampano n’umugore we Vava byamaze gushyirwaho iherezo. Amakuru mashya ahari aremeza ko uyu muryango waba watandukanye nabi cyane, ndetse bikaba byararangiye bishingikirije inzego z'ubutabera kubera urugomo rurimo gushinjwa uyu muhanzi.
Mu kiganiro cyanyuze ku rubuga rwa TikTok aho Vava yaganiraga n’uwitwa 'God Father', yemeje mu gahinda kenshi ko we na Yampano batakibana. Vava yavuze ko gutandukana kwabo kwabaye mu buryo bubi cyane, aho ashinja umugabo we kumukubita ndetse aka gerageza kumuhitana, ubwo yamugongeshaga imodoka ku bushake akamukomeretsa cyane.
Ku rundi ruhande, hakomeje kuvugwa ko Yampano yaba yamaze gutabwa muri yombi n’Urwego rw’Igihugu rushinzwe Ubugenzacyaha (RIB), akaba afungiye kuri sitasiyo ya Kanombe. Icyakora, kugeza ubu nta rwego na rumwe ruratangaza ku mugaragaro niba koko yatawe muri yombi cyangwa ngo rugaragaze ibyo akurikiranyweho.
Kugeza ubu, urwego rwa RIB cyangwa izindi nzego zibishinzwe ntabwo zirafata umwanzuro wo kwemeza aya makuru mu buryo bw’emejwe neza. Nta tangazo riragaragaza niba koko afunzwe cyangwa ibyaha by'uzuye akurikiranyweho, gusa amakuru aguma kwemezwa n'abantu ba hafi b’uyu muryango.
