Igihugu cya Qatar cyirukange uwitwa umunya Iran wese ukora mu biro bya gisirikare no mu mutekano kubera umutekano muke muri Qatar uri kugirwamo uruhare na Iran.
Minisiteri y'ububanyi n'amahanga ya Qatar yatangaje ko buri munya Iran wakoraga mu biro bya gisirikare no mu zindi nzego z'umutekano bizwi mu rurimi rw'amahanga nka Military & security attaches I Doha mu murwa mukuru wa Qatar bambuwe uburenganzira bwo gukomeza kuba muri iki gihugu.
Iyi Minisiteri y'ububanyi n'amahanga ya Qatar yatanze igihe cy'amasaha 24 yonyine aba banya Iran bakaba bamaze kujya iwabo batakibarizwa ku butaka bwa Qatar.
Uyu mwanzuro Qatar iwufashe Nyuma y'uko igihugu cya Iran kigabye igitero kiremereye cya Misile balistique muri Qatar kuri Ras laffan industrial City ya QatarEnergy.
Kugeza ubu ntabwo leta ya Iran iragira icyo ivuga kuri iki gitero cyangwa ku mwanzuro wa Qatar nubwo benshi bari mu ruhande rwa Qatar bakomeje kugenda bemeza ko iyi Misile yarashwe na Iran badacana uwaka muri ibi bibazo byateye umutekano muke mu burasirazuba bwo hagati.
