Ku gicamunsi cyo kuri uyu wa 12 Werurwe 2026,ishyirahamwe ry'umupira w'amaguru mu Rwanda (FERWAFA) rimwe gutangaza ko ryahaye Stephen Constantine inshingano zo gutoza ikipe y'igihugu y'u Rwanda Amavubi n'abatarengeje imyaka 23.

Stephen Constantine atangajwe nk'umutoza mukuru w'ikipe y'igihugu amavubi Nyuma y'itangazo ryateguzaga amakuru meza ku i saa Saba zuzuye z'igicamunsi FERWAFA yari yacishije ku mbuga nkoranyambaga zayo.

Uyu mwongereza w'imyaka 63 yongeye kugirwa Umutoza w'Ikipe y'Igihugu "Amavubi" Nyuma y'imyaka icumi avuye kuri Izi nshingano muri iyi kipe kuko yayitoje mu mwaka wa 2014 na 2015 akahava yerekeza mu buhinde gutoza ikipe y'icyo gihugu cyo muri Asia.

Stephen Constantine yatoje ikipe y'amavubi ku ntego yo gufasha iyi kipe kwitegura irushanwa rya CHAN ryabereye mu Rwanda, Nyuma yo kugenda Amavubi yakinnye iri rushanwa agarukira muri 1/4.

Uyu mugabo atoza u Rwanda bwa Mbere yarugejeje ku mateka yo kugera ku mwanya wa 68 ku rutonde ngarukakwezi rwa FIFA.

Kugeza ubu Amavubi Ari ku mwanya wa 131 ku rutonde rwa FIFA nyamara asezera muri iyi kipe yari yayisize ku mwanya wa 68 umwe mu myanya myiza iyi kipe yagezeho.

Stephen Constantine aje gutoza amavubi Nyuma ya Adel Amrouche wari umaze iminsi atandukanye n'amavubi.