Abagize uyu mutwe bivugwa ko bagabanutse kugera ku barwanyi bari hagati ya 9,000 na 12.000, nk’uko byatangajwe n’abayobozi batatu bakuru bo muri Amerika bamenyereye iterambere ry’intambara, ugereranyije n’abarwanyi bari hagati ya 20.000-25,000 wari ufite mbere y’amakimbirane. Ku ruhande rwayo, Israel ivuga ko imaze gutakaza ingabo zigera kuri 300 mu bikorwa byo muri Gaza.

Umwe mu bayobozi yavuze ko abarwanyi ba Hamas ubu birinda guhangana imbonankubone n’ingabo za Israel zafunze umujyi wa Rafah uherereye mu majyepfo, ahubwo bakishingikiriza ku gutega ibico ndetse n’ibisasu inyuma y’imirongo y’umwanzi

Benshi mu baturage ba Gaza, barimo Wissam Ibrahim, bavuze ko nabo babonye ihinduka ry’amayeri.

Kuri telefone, Ibrahim yatangarije Reuters ati: "Mu mezi yashize, abarwanyi ba Hamas bahagarikaga, bagahangana n’ingabo za Israel zikimara kwinjira mu karere kabo." "Ariko ubu, hari impinduka zigaragara mu buryo bwabo bwo gukora, bategereza ko boherezwa hanyuma bagatangira ibico byabo n’ibitero."

Abayobozi ba Leta Zunze Ubumwe za Amerika basabye ko amazina yabo atatangazwa, bavuze ko amayeri nk’aya ashobora gukomeza inyeshyamba za Hamas mu mezi ari imbere, bigizwemo uruhare n’intwaro zinjira muri Gaza zinyuze mu buvumo n’ibindi.

Ibihe nk’ibi byagarutsweho n’umujyanama mu by’umutekano wa Minisitiri w’intebe wa Israel, Benjamin Netanyahu, wavuze mu cyumweru gishize ko intambara ishobora kumara kugeza mu mpera za 2024 byibuze.

Umuvugizi wa Hamas ntiyigeze asubiza ibyifuzo bya Reuters ku ngamba zayo ku rugamba.