Jeff Bezos yongeye kuza ku mwanya wa Mbere mu bukire ku isi, Elon Musk yongeye guhigikwa
Jeff Bezos wamamaye ubwo yashingaga sosiyete ya Amazon , yongeye kuza ku mwanya wa mbere ku rutonde rw’abakire ku isi.Yahigitse Elon Musk yarushijeho miliyari 2 $.
Byatangajwe hifashishijwe Uru rutonde ruzwi nka ‘Bloomberg Billionaires Index’, rwagiye hanze kuri uyu wa Mbere, rwagaragaje ko umutungo wa Bezos ubu uhagaze ku gaciro ka Miliyari 200$, mu gihe uwa Elon Musk nyiri Tesla wo uhagaze kuri Miliyari 198$.
Musk uherutse no kugura urubuga Nkoranyambaga rwa X [rwahoze ari Twitter] ndetse na SpaceX, wari umaze igihe ari we mukire wa mbere, ubutunzi bwe bwagabanutseho arenga Miliyari 30$ bitewe n’igabanuka rya 25% ry’imigabane ye mu ruganda rwa Tesla.
Hiyongeraho kandi ibibazo by’uyu muherwe bishingiye ku kuba muri Mutarama uyu mwaka, Urukiko rwaremeje iseswa ry’amasezerano y’indishyi ya Tesla, afite agaciro ka Miliyari 55,8$.Bezos waje ku mwanya wa mbere, ubu utakiyobora kompanyi ya Amazon yashinze, we umutungo we wazamuwe cyane n’izamuka ry’igiciro cy’imigabane ku isoko ry’ikoranabuhanga.
Nubwo yagurishije imigabane y’agaciro ka Miliyari 8,5$, Bezos ni we ugifite imigabane myinshi muri iyi kompanyi yashinze ya Amazon.Umufaransa Bernard Arnault uyobora Kompanyi ya luxury group LVMH we yagumye ku mwanya wa gatatu aho agaciro k’imitungo ye kabarirwa muri miliyari 197$.
