Kicukiro: Umukobwa w’imyaka 28 yishwe n’umusore bakundanaga ateraguwe ibyuma mu ijosi no mu nda
Kicukiro: Umukobwa w’imyaka 28 yishwe n’umusore bakundanaga ateraguwe ibyuma mu ijosi no mu nda
Kigali, mu karere ka Kicukiro, umurenge wa Masaka, akagari ka Gako, Mutoniwase Diane yishwe ateraguwe ibyuma mu ijosi no mu nda. Yiciwe imbere y’akabari yakoreragamo, bikekwa ko yaba yishwe n’uwakoraga cyangwa wakodeshaga icyokezo muri ako kabari afatanyije na Mucoma we.
Amakuru avuga ko uyu mukobwa yishwe ahagana saa yine z’ijoro zo kuri uyu wa Kane tariki ya 20 Ugishyingo 2025, bikozwe n’umukunzi we witwa Ruberintwari Nerson w’imyaka 34 afatanyije na mucoma wakoreraga nyakwigendera.
Umunyamabanga Nshingwabikorwa w’Akagari ka Gako, Mukeshimana Odette, yemeje ko mucoma bakundaga kwita Kabwa, we yamaze gutabwa muri yombi.
Yagize ati ” Uyu Kabwa ariwe mucoma wa Ruberintwari Nerson bafatikanije kwica Umutoniwase Diane kubera ko Diane yari afite akabari hanyuma uyu Ruberintwari Nerson akaba ari we wari ufite icyocyezo wasavingaga abaje kunywa kwa Dianne akaba yari n’inshuti ya Dianne.”
Yakomeje ashimangira ko umuhungu wari uje kugura inzoga saa yine z’ijoro muri ako kabari ariwe wabonye umuvu w’amaraso ahita avuza induru atabaza ndetse bahamagaye nimero ya mucoma n’uwo muhungu bivugwa ko yakundanaga na nyakwigendera n’undi mukozi we ntizacamo.
Yongeyeho ko uyu mucoma yamaze gufatwa ndetse ubu afungiye kuri sitasiyo ya polisi ya Masaka ndetse igikorwa cyo gushakisha abandi bafatanyije muri ubwo bwicanyi gikomeje.
INKURU MU BURYO BW'AMASHUSHO YAKOZWE NA KABAKA EMMY
-
My hopeNjyewe iyi nkuru byananiye kubyakira pe???????? Ark ubwo uwo muhungu bakundaga koko cg yaramukuriyeho izindi nyungu azibuze ahitamo kumwica Nako kanceceke pe Imana imwakire gusa ntakindi -
My hopeNdumiwe mbuzicyo mvuga noneho ko nigenje cyakora MBA mbona basubizaho igihano cyurupfu pe uwakoze nkibi aba agomba kwicwa ubundi pe Gusa nyakwigendera aruhukire mu mahoro kd umuryango we wihangane ntakundi
