Ngoma: Umugabo wakoraga ku murenge yapfiriye mu mwobo, bikekwa ko yarari gusambana n’umukobwa basanze amuryamye hejuru
Ngoma: Umugabo wakoraga ku murenge yapfiriye mu mwobo, bikekwa ko yarari gusambana n’umukobwa basanze amuryamye hejuru
Umugabo wari usanzwe yishyuza imisoro mu Murenge wa Sake mu Karere ka Ngoma, yaguye mu mwobo wahoze ari ubwiherero apfiramo, abaturage batungurwa no gusanga hari umukobwa umuryamye hejuru.
Bamwe mu baturage batabaye, bavuze ko babasanze baguye mu cyobo cyahoze ari ubwiherero kiri ahantu mu rutoki iruhande rw’akayira gato. Bakeka ko nyakwigendera n’uwo mukobwa bari bari gusambana bakagwamo kuko ngo bari biriwe basangira inzoga.
Umwe mu baturage wabibonye biba yavuze ko uwo mugabo yasohokanye n’uwo mukobwa kuri Noheli bajya kwiyakira, nyuma ngo ubwo bari batashye basanze baguye mu cyobo, umugabo ari hasi umukobwa amuri hejuru.
Ati “ Ikintu twakoze ni ubutabazi bwo kubazamura, umwe twamuzamuye dusanga yapfuye undi twamuhungije tubona agaruye ubuzima.’’
Umuyobozi w’Akarere ka Ngoma, Niyonagira Nathalie, yavuze ko ibyabaye kuri abo baturage babifata nk’impanuka.
Yagize ati “Amakuru twayamenye mu masaha y’ijoro ryakeye, icyobo cyari hafi y’ahari inzira abantu banyuramo, ni impanuka. Umwe yitabye Imana undi ajyanwa ku kigo nderabuzima akomereza ku bitaro bya Kibungo kugira ngo yitabweho n’abaganga.’’
-
My hopeArk se koko ko abarozi barengana uyu nawe tuvuge ko bamuroze ra?? Umusiviri kweri afata amafaranga heyongereyeho icyubahiro afite nkumuntu ufite inshingano za leta zo kurebera abaturage byose abiteshe agaciro kugeza ubwo abijyanye mu mugisambu kweri hari naho ngera nkabura icyo mvuga pe
