Sosiyete y’u Rwanda ishinzwe ingufu REG yatangaje ko hirya no hino mu turere tw’igihugu hateganyijwe ibura ry’amashanyarazi hagati yo ku wa 9 na 17 Gashyantare 2026 kubera ibikorwa byo gusana imiyoboro.
Itangazo ryashyizwe hanze ku wa 7 Gashyantare binyuze ku mbuga nkoranyambaga za REG rigaragaza ibice byose bitazaburira umuriro rimwe ndetse ibikorwa byo gusana imiyoboro bikazagira ingaruka ku mirenge imwe n’imwe.
Iti “Hagamijwe kwagura no gusana imiyoboro y’amashanyarazi hirya no hino mu turere, hateganyijwe ibura ry’umuriro mu bice bimwe by’imirenge iri muri iri tangazo hagati y’itariki ya 9-17/02/2026. Abantu bose barasabwa kwitondera insinga z’amashanyarazi kuko umuriro ushobora kugaruka mbere y’isaha iteganyijwe.”
Ibura ry’amashanyarazi rimaze iminsi rigaragara mu bice bitandukanye by’igihugu ndetse mu bihe bishize REG yavugaga ko hari ibibazo biri mu miyoboro u Rwanda rusangiye n’ibindi bihugu.
Magingo aya ingo zifite amashanyarazi zibarirwa muri 85%, agakoreshwa n’ibindi bikorwa by’ubucuruzi birimo nk’inganda zirenga 1300.
ITANGAZO
Hagamijwe kwagura no gusana imiyoboro y'amashanyarazi hirya no hino mu turere, hateganyijwe ibura ry'umuriro mu bice bimwe by'imirenge iri muri iri tangazo hagati y'itariki ya 9-17/02/2026. Abantu bose barasabwa kwitondera insinga z'amashanyarazi kuko umuriro ushobora kugaruka mbere y'isaha iteganyijwe. #AmashanyaraziKuriBose ----------------
ANNOUNCEMENT REG
wishes to inform its esteemed customers that, due to extension and maintenance works on various feeders across different districts, planned power outages are expected in some parts of the following sectors between 9–17/02/2026. For safety purpose, the public should always be cautious on electrical installations as electricity might be restored before the set timelines.
-
My hopeAbabishinzwe badufashe pe birakabije hamaze kwangirika ibintu byinshi bitewe niryo bura rw'umuriro rya hato na hato Reg Reg mbahamagare kangahe kugira mwisubireho koko? Kwitwa ko dufite umuriro nyamara inshuro yuba wagiye ntacyo byamara plz mubikemire. -
My hopeImana ishimwe ko Nyagatare ntayirimo mubazabura umuriro gusa ikibabaje nubwo batayivuze ushobora kubona naho urabuze byahato na hato ark sinzi ikibazo nyamukuru gisigaye Kiri mubakoze ba Reg kbs umuriro usigaye ubura mubururyo budasanzwe kd ugasanga ninkaho Ari gahunda ihoraho mu saha runaka Aho iyo saha igera tukaba tuziko ugiye kugenda nasetse rimwe na rimwe ukagaruka utinze
