Rulindo:Minisitiri Dr Bizimana j. Damascene n’abandi bayobozi, bifatanyije n’abaturage b’Akarere ka Rulindo mu gikorwa cyo Kwibuka31 Jenoside yakorewe Abatutsi ku Rwibutso rwa Jenoside rwa Rusiga
Rulindo:Minisitiri Dr Bizimana j. Damascene n’abandi bayobozi, bifatanyije n’abaturage b’Akarere ka Rulindo mu gikorwa cyo Kwibuka31 Jenoside yakorewe Abatutsi ku Rwibutso rwa Jenoside rwa Rusiga
umuyobozi w'Akarere ka Rulindo madamu mukanyirigira Judith yahaye ikaze abitabiriye ikigikorwa, anagaragaza ko mu rwego rwo kubungabunga no kwita ku nzibutso, Akarere gakomeje kugabanya umubare w'inzibutso, intego ikaba ari ugusigarana inzibutso za jenoside 6.
Minisitiri Dr Bizimana J.Damascene yagaraje ko mu karere ka Rulindo jenoside yatangiye gukorwa muri 1992 mu cyahoze ari komine shyorongi ikozwe n'interahamwe za MRND zifatanyije n'impuzamugambi za CDR bigizwemo uruhare n'uwari burugumesitiri Hitimana Alexandre ,
Dr Bizimana Ati":"Umugambi wa Jenoside yakorewe Abatutsi watangiye mu 1990. Wamaze imyaka 4 ushyirwa mu bikorwa."
Minisitiri Dr Bizimana J.Damascene yaganirije abitabiriye #Kwibuka31 Jenoside yakorewe Abatutsi ku Rwibutso rwa Rusiga mu Karere ka Rulindo, ku mateka y'itegurwa n'ishyirwa mu bikorwa rya Jenoside yakorewe Abatutsi yibanda ku yahoze ari Komini Shyorongi.
Yagaragaje ko mu Gushyingo 1992 muri Komini Shyorongi habaye ubwicanyi bukomeye bwakorewe Abatutsi bukozwe n'Interahamwe za MRND n'Impuzamugambi za CDR, ziyobowe na Burugumesitiri Hitimana Alexandre.
Ati":Ubwo bwicanyi bwamaganwe n'abagize Komite Nyobozi y'Ishyaka MDR muri Perefegitura ya Kigali Ngari mu ibaruwa bandikiye Perezida Habyarimana, banerekana amazina y’abategetsi bakomeye ku rwego rw'Igihugu bari baburi inyuma barimo Depite Habimana Bonaventure na Minisitiri w’Ubutegetsi bw’Igihugu n’Amajyambere ya Komini, Munya
neza Faustin.
Mu butumwa busoza, Minisitiri Dr Bizimana J.Damascene yatanze ubutumwa bw'ihumure agira ati, "Jenoside yakorewe Abatutsi yaradushegeshe ariko ntiyaduheranye. Twishimire y’uko abajenosideri batagize ijambo rya nyuma ku hazaza h’u Rwanda,Inkotanyi ziyobowe na Nyakubahwa Perezida wa Repubulika Paul Kagame zatsinze abicanyi zidusubiza ubuzima, bityo tugomba gukomera ku buyobozi bwiza bw’Igihugu cyacu.
Dukomeze twibuke abacu bazize Jenoside yakorewe Abatutsi tuzasige n’abana bacu bakomeza kubibuka,Dushyire hamwe kandi twese nk’Abanyarwanda twiyubakire Igihugu, duharanira ko kiba Igihugu gikomeye kitabeshejweho n’amahanga".
Nyuma y'ubutumwa bwa minisitiri Dr Bizimana j.Damascene ,hashyinguwe mu cyubahiro imibiri 260 y'abazize Jenoside, harimo 250 yimuwe mu Rwibutso rwa Jenoside rwa Bushoki.
Nkurunziza Bonaventure / BIGEZWEHO i Rulindo
