Indwara izwi ku izina rya Stockholm syndrome irangwa no kugira ibyiringiro no kumva ko umuntu wagushimuse ari we uteze ho amakiriro.
Ubusanzwe ijambo stockholm ni izina ry’umujyi, uyu mujyi ukaba uherereye mu gihugu cya Sweden, iyi ndwara yitiriwe uyu mujyi kuko ariho yagaragaye bwa mbere.
Mu mwaka w’1973, Jan-Erik Olsson yashimuse abakozi bane ba Banki ubwo yarimo agerageza kwiba iyo banki we na bagenzi be maze umugambi wabo ukaburizwamo n’inzego z’umutekano, abari bafatanyije nawe uyu mugambi batawe muri yombi nawe ahita ashimuta abakozi ba banki.
yamaranye iminsi itandatu n’aba bakozi ba banki bashimuswe, maze binyuze mu mishyikirano yemers kubarekura. aba bakozi ba banki bahise basabwa n’inzego z’umutekano gutanga amakuru y’uwabashimuse maze bose bararuca bararumira, banga gutanga amakuru na macye.
Inzego z’umutekano ziyambaje inzobere mu mitekerereze, no gukurikurana abanyabyaha maze abona ikintu kidasanzwe muri izi mbohe, abona ko ikibazo kitari ugutinya ko uwabashimuse yabagirira nabi ahubwo byabaye ikibazo gishingiye ku mitekerereze, aha niho umuganga w’inzobere Nils Bejerotyavumbuye iyi ndwara ayita stocholm syndrome.
iyi ndwara irangwa no kumva ufite ibyiyumviro ku wagushimuse, kugirira impuhwe uwagushimuse, kumva ko police n’abayobozi ari abantu babi bashaka guhemukira uwagushimuse, guhora wibuka ibyakubayeho ubwo washimutwaga, guhorana ubwoba, kutongera kunezezwa n’ibyakunezezaga mbere no kugira ibitekererezo bidahora hamwe.
Abaganga benshi ntibabasha gutahura iyi ndwara, iyi ndwara nta n’imiti igira yihariye gusa iyo imenyekanye hifashishwa ubuvuzi nk’ubwifashishwa mu kuvura ihungabana kugirango ufite ubu burwayi avurwe.
ubu buzuzi bufasha umurwayi kumva gusobanukirwa ibyamubayeho, kumva ko urukundo afitiye uwamushimuse ari uburyo bwa kamere bwari ubwo kumufasha kurokoka no gukomeza ubuzima.
n’ubwo iyi ndwara yavumbuwe kubera imyitwarire yagaragajwe n’abashimuswe hari n’andi mahohoterwa yagutera kurengera uwagohohoteye ukumva ko udashaka kumugeza imbere y’ubutabera kubera impuhwe umufitiye, muri yo twavuga: ihohoterwa rishingiye ku gitsina, guhohotera umwana, gucuruza umuntu agakoreshwa imibonano mpuzabitsina no kuba umutoza yakoresha uwo atoza ubutaruhuka, utozwa agatangira kumva ko umutoza ibyo akora ari byo.
