Umukozi w'Akarere yirukanwe mu kazi azira guhoza ku nkeke Umugore bakoranaga
Ku wa Kane Nyakanga 2024, ni bwo Ubuyobozi bw’Akarere ka Nyamasheke bwandikiye umuyobozi w’ishami ry’Iterambere ry’Imibereho Myiza y’Abaturage muri aka Karere, Ndanga Janvier, bumumenyesha ko yirukanwe mu kazi azira guhoza ku nkeke Umugore bakoranaga.
Ku wa 25 Mata 2024 ni bwo Akarere kamwandikiye ibaruwa kamusaba ibisobanuro ku makosa y’akazi, gusa ku wa 29 Mata 2024 ni bwo yandikiye Akarere atanga ibisobanuro nk’uko yari yabisabwe.
Aya makuru yo kwirukanwa kwa Ndanga, yemejwe na Mupenzi Narcisse, Umuyobozi w’Akarere Ka Nyamasheke, wavuze ko byatewe n’uko yahozaga ku nkeke umwe mu bakozi yari abereye Umuyobozi witwa Mukeshimana Anne Marie ndetse bivugwa ko ari kenshi yakundaga kuvugwa mu matiku n’abakozi ayobora.
Meya Mupenzi yagize ati “Ni byo Ndanga Janvier wari Umuyobozi w’ishami rishinzwe Iterambere ry’imibereho y’abaturage yirukanwe kubera imyitwarire n’imigirire binyuranyije n’imyitwarire mbonezamurimo.”
MBARUSHIMANA Elia
MBARUSHIMANA Elia joined journalism as a volunteer in 2018. Currently an Entertainment Journalist & News Reporter. I worked for
NEWSWITHIN, MAXIMED TV, and Ukwelitimes.com as well as imirasiretv.com & bigezwehotv.com
| Contact Me: +250781087999 or mbarushimanaelia50@gmail.com
