Umugabo w'Umwongereza ukomoka mu Buhinde niwe wenyine warokotse impanuka y'indege ya kompanyi Air India yo mu Buhinde yari itwaye abantu 242.
Iyi mpanuka yabaye ku munsi w'ejo aho yakoze impanuka nyuma y’iminota mike ihagurutse ku kibuga mpuzamahanga cy’indege ya Ahmedabad mu Buhinde. Amashusho yakwirakwiriye ku mbuga nkoranyambaga agaragaza umwotsi wuzuye mu kirere nyuma y’uko iyi ndege rutura itwara abagenzi abagenzi yari imaze kwisekura hasi.
Uyu mugabo rukumbi warokotse yitwa Vishwash Kumar Ramesh akaba yari yicaye mu ntebe ifite nimero 11A, muri iyi ndege ya Boeing 787 yari yerekeje ku kibuga cy'indege cya Gatwick i London mu Bwongereza.
Uwo mwanya yari yicayemo uherereye iruhande rw'umuryango wo gusohokeramo byihutirwa mu gihe cy'amakuba ukaba uri mu gice cy'imbere y'ibaba ry'ibumoso ry'indege.
Amashusho yashyizwe ku mbugankoranyambaga agaragaza Ramesh agenda n'amaguru yerekeza ku modoka y'imbagukiragutabara ('ambulance'), umwotsi uzamuka hirya ye.
Nyuma yaje kugaragara aryamye ku gitanda mu bitaro, yasuwe na Minisitiri w'ubutegetsi bw'igihugu w'Ubuhinde Amit Shah.
Nayan Kumar Ramesh, umugabo uvukana na Ramesh warokokeye muri iyi mpanuka , yabwiye BBC News ko Vishwash Kumar na we atazi ukuntu yarokotse iyo mpanuka y'indege.
Uyu mugabo warokotse , yavukiye mu Buhinde ariko ubu akaba aba mu Bwongereza guhera mu mwaka wa 2003. Afite umugore n'umwana w'umuhungu w'imyaka ine.
Kugeza ubu Umubare w'abantu bapfiriye muri iyi mpanuka y'indege ntabwo uramenyekana neza ndetse n'icyauiteye ntabwo kiramenyekana.
