Umunyamakuru Niyigaba Clement uzwi ku izina rya DC Clement agiye kuburanishwa ku byaha bitanu akurikiranyweho, mu rubanza ruzabera mu  imbere y’Urukiko rw’Ibanze rwa Kibagabaga mu Karere ka Gasabo mu cyumweru gitaha.

Biteganyijwe ko azitaba urukiko ku wa Mbere tariki 20 Mata 2026, saa tatu za mu gitondo. Ibyaha akurikiranyweho birimo kwangiza ibintu by’undi ku bushake, guteza imvururu muri rubanda, kurwanya ububasha bw’amategeko, gukoza isoni abayobozi, ndetse no gukoresha urugomo ku bayobozi ba Leta.

Ifatwa rye ryaturutse ku butumwa yashyize ku mbuga nkoranyambaga, aho yavugaga ko yakorewe akarengane mu isenywa ry’inyubako y'ishuri yari afatanyijemo n’abandi. Yavuze ko ubuyobozi bw’Akarere ka Gasabo bwafashe icyemezo cyo gusenya inyubako nta nteguza kandi atahawe umwanya wo kwisobanura.

Ku rundi ruhande, Umujyi wa Kigali watangaje ko ikibazo cye gishingiye ku kutubahiriza ibisabwa mu byangombwa byo kubaka. Ubuyobozi bwavuze ko uruhushya rwari urwo kuvugurura inzu ishaje, ariko hakubakwa inyubako nshya n’ishuri bidafite atabiherewe uburenganzira. Yanavuze ko aho hubatswe ari mu gace kagenewe ubuhinzi, bityo hatemerewe inyubako z’igihe kirekire.

Emma Claudine yavuze ko amategeko agomba kubahirizwa, kandi ko utabyubahirije ahura n’ibihano birimo gusenya ibitemewe. DC Clement yatawe muri yombi ku wa 31 Werurwe 2026, afungirwa kuri sitasiyo ya RIB ya Jabana.