Kuri uyu wa Gatandatu, nibura abantu umunani bapfuye abandi benshi barakomereka mu iturika ry’ibisasu mu murwa mukuru wa Somaliya, Mogadishu .
Mohamud Ahmed, umupolisi muri Mogadishu waganiriye na Anadolu Agency kuri telefoni, yavuze ko iki gitero cyibasiye aho bafatira icyayi mu Karere ka Daynile.
“Iduka ry’icyayi ryari rihuze mu gihe cy’iturika. Turizera ko igisasu cyatezwe mu iduka ry’icyayi ".
Ahmed yavuze ko iduka ryagendwaga n’abaturage ndetse n’abashinzwe umutekano bakorera muri ako gace, ariko ntiyigeze yemeza cyangwa ngo ahakane niba abashinzwe umutekano bari mu bahohotewe.
Nta tsinda ryahise risaba ryigamba iki gikorwa. Ku wa Gatanu, byibuze abantu 12 bishwe ubwo imodoka yari itwaye abasirikare yagonze mines muri leta y’amajyepfo y’iburengerazuba.
Somaliya imaze imyaka ihanganye n’ikibazo cy’umutekano muke, hamwe n’iterabwoba nyamukuru rituruka kuri al-Shabaab n’imitwe y’iterabwoba ya Daesh.
Kuva mu 2007, al-Shabaab yahanganye na Guverinoma ya Somaliya hamwe n’ubutumwa bw’inzibacyuho bw’Umuryango wa Afurika Yunze ubumwe muri Somaliya (ATMIS), ubutumwa butandukanye bwemejwe n’umuryango nyafurika n’akanama gashinzwe umutekano ku Isi.
Al-Shabaab yakajije umurego mu bitero kuva Perezida Hassan Sheikh Mohamud yatangaza "intambara yeruye" kuri uyu mutwe.
