APR FC yegukanye umwanya wa gatatu muri CECAFA KAGAME CUP 2025, itahana milliyoni 14Frw
APR FC yegukanye umwanya wa gatatu muri CECAFA KAGAME CUP 2025, itahana milliyoni 14Frw
Kuri uyu wa mbere tariki 15 Nzeri 2025, nibwo APR FC yakinnye umukino w'umwanya wa 3 na KMC FC urangira itsinze igitego 1-0.
Ni umukino watangiye ku isaha ya saa Tanu z'amanwa nibwo uyu mukino watangiye. Wari umukino ukomeye cyane ariko APR FC itangirana imbaraga nyinshi wabonaga irimo kurusha KMC FC.
Ku munota wa 46, APR FC yaje kubona amahirwe yo gutsinda igitego ndetse biza no kugenda neza Memel Raouf Dao atsinda igitego cyiza ari nacyo cyasoje umukino.
APR FC yaje kurangiza umukino itsinze igitego 1-0. Ni APR FC yakinnye neza bijyanye n'abakinnyi Abderrahim Taleb yari yabanje mu kibuga. Abakinnyi bose benshi babonaga bagomba kubanza mu kibuga ni nabo babanjemo.
Iyi kipe y'ingabo z'igihugu nyuma yo gutsinda yahise yegukana amafaranga angana n'ibihumbi 10 by'Amadorari(Milliyoni 14), nk'ikipe yegukanye umwanya wa 3.
Uyu munya-Burkina Faso, Memel Dao yaje gutorwa nk'umukinnyi w'umukino ahabwa ibihumbi 500 by'Amashiringi ubwo ni asaga ibihumbi 200 yahawe.
Hategerejwe umukino wa nyuma uraza guhuza Singda Black Stars ndetse na Al Hilal SC. Ikipe iregukana CECAFA Kagame Cup irahabwa ibihumbi 30 by'amadorari, iya kabiri ihabwe ibihumbi 20.
Yanditswe na Nkurunziza Bonaventure
