Nyuma yo kugenzura amakosa yakozwe n'abakinnyi b'ikipe y'igihugu ya Senegal ku mukino wa nyuma w'igikombe cya afurika, CAF yambuye iki gikombe Senegal gihabwa Morocco yari yaratanze ikirego.

Amakosa yabaye imbarutso y'ibirego byatumye Senegal yamburwa igikombe yari imaranye amezi mu bubiko bwayo ni ayakozwe biturutse kuri penalite yahawe ikipe y'igihugu ya Morocco aho abakinnyi ba Senegal bakoreye amakosa bakikura mu kibuga.

Ubwo umukino wari wahuje aya makipe, umusifuzi yatanze Penalite ku ruhande rwa Morocco itarishimiwe n'abo ku ruhande rwa Senegal Umutoza w'iki gihugu agasaba abakinnyi kuva mu kibuga cyakora Nyuma bakaganirizwa bakagaruka.

Umukino warakomeje nyuma y'impaka nyinshi yewe na penalite yari yatanzwe Morocco irayirata kugera umukino urangiye Senegal itsinze igitego 1-0 Morocco,Senegal igahabwa igikombe.

Nyuma Morocco yatanze ikirego hasuzumwa ibijyanye n'amakosa n'ibihano byayo aribyo byatumye impuza mashyirahamwe y'umupira w'amaguru muri afurika CAF n'akanama kayo k'ubujurire gafata umwanzuro wo guhana Senegal kwakwa amanota atatu ahura n'intsinzwi y'ibitego 3 ku busa.

Iki kikaba igihano gihabwa ikipe yikuye mu kibuga nta burenganzira ihawe n'umusifuzi w'umukino Ari byo byatumye Morocco igira intsinzi kuri uyu mukino igahabwa igikombe cyari cyahawe Senegal kuwa 18 Mutarama 2026.

Uyu mwanzuro wa CAF ni kimwe mu biri kuvugisha abantu benshi aho bashinja CAF kubogama ndetse ko bitakabaye byarafashe igihe kirenga ukwezi ngo bamenye amakosa yakozwe muri uyu mukino.