Ni amakuru yamenyekanye ku isaha ya saa cyenda z’ igicamunsi kuri GS Cyanika ko umwarimu witwa GAKOZA Emmanuel yajombwe ikaramu ku itama n’umunyeshuri witwa Niyikiza Jean Aimé ufite imyaka 18 y’amavuko wiga muri S3.

Amakuru avuga ko ubwo uyu mwalimu yari muri surveillance y’ikizamini, yagiranye ikibazo n’ uyu munyeshyuri bapfuye intebe yo kwicaraho.

Bivugwa ko ubwo abana bari bagiye gukora ikizamini, umwalimu yabasabye ko bicara ari 3 ku ntebe imwe kugira ngo hasaguke intebe iri yonyine mwalimu aribwicareho.

Umwana yabwiye mwalimu ko bidakwiye ko bakwicara ari 3 mu kizamini kandi hari intebe ibereye aho. Umwalimu ntiyabyumvise niko gutangira gushyamirana maze afata icyemezo cyo gusohora umwana mu ishuri adakoze ikizamini .

Mu kumusohora amushushubikana umwana yageze ku muryango arahindukira ahita amujomba ikaramu ku itama aramukomeretsa.

Nyuma y’ibyabaye Umwalimu yajyanywe kuvuzwa kuri Nyange HC.

Kugeza ubu ntiharakenyekana ibihano uyu munyeshuri ari bufatirwe.