Ni umukino wishiraniro wabaye ku mugoroba wo kuri uyu wa 02 Gicurasi 2026 aho Aya makipe akomeye muri Shampiyona y'u Rwanda yahuriye mu kibuga mu mukino wabereye kuri Stade Amahoro mu mujyi wa Kigali.

Ibitego byabonetse muri uyu mukino byabanjirijwe n'icya Rayon Sports yatangiye yotsa umuriro imbere y'izamu rya APR Fc aho ku munota wa 32 w'umukino, igitego cya Asuman Ndikumana cyahinduye byinshi mu mukino kuko ikipe ya APR Fc yahise ishyirwa ku gitutu cyo kwishyura ngo isubire mu mukino.

Ntabwo byatinze kuko ku munota wa 41 w'igice cya mbere cy'umukino ikipe ya APR Fc yaje guhabwa penalite igahabwa rutahizamu Djibril Ouattra utajya uhusha akaza kuyinjiza neza.

Muri uyu mukino Kandi umutoza wa Rayon Sports Haringingo Francis Christian yahawe ikarita y'umuhondo nyuma yo kutishimira gusubizwa inyuma k'umupira bikamutera kamere byanamuviriyemo ikarita y'umuhondo.

Nyuma y'uyu mukino ikipe ya APR Fc ihise igira amanota 56 iguma ku mwanya wa kabiri aho ikurikira Al Hilal Sc ifite 61 mugihe Rayon Sports ihise igira amanota 48 ku mwanya wa 4 ku rutonde rusange rwa Shampiyona y'u Rwanda.

Mu yindi mikino yabaye uyu munsi ni uwahuje Al Merrikh Sc yatsinze Gicumbi ibitego 3 ku busa naho Musanze inganga na Kiyovu sport ubusa ku busa.