Leroy Jacques Michels yitwaye neza atsinda igitego mu gikombe cy'igihugu muri Azerbaijan
Leroy Jacques Michels yitwaye neza atsinda igitego mu gikombe cy'igihugu muri Azerbaijan
Umukinnyi ngenderwaho mu kipe y'igihugu y'u Rwanda Amavubi Leroy Jacques Michels yatsinze igitego kimwe muri bibiri ikipe ye ya Zira FK yatsinze mu gikombe cy'igihugu muri Azerbaijan.
Ni umukino wabaye uyu munsi tariki ya 03 Mata 2026 aho ikipe ya Zira FK ikina muri Shampiyona ya Azerbaijan yahuraga na Turan Tuvoz bakinaga umukino wa Mbere(ubanza) muri 1/2 cy'igikombe cy'igihugu.
Uyu mukino warangiye Zira FK ya Leroy Jacques Michels itsinze ibitego bibiri ku busa harimo kimwe cy'uyu mukinnyi mushya mu ikipe y'igihugu y'u Rwanda Amavubi yabonye mu minota ya Nyuma y'umukino kuko yinjiye asimbuye.
Uyu mukinnyi akomeje gutanga ikizere ku banyarwanda cyane mu ikipe y'igihugu Amavubi nyuma y'igihe batabona umukinnyi ushobora kureba mu izamu atazuyaje.
Ikipe ya Zira FK kugeza ubu muri Shampiyona ya Azerbaijan igeze ku munsi wa 25 iri ku mwanya wa 4 n'amanota 42 naho Turan Tuvoz bakinaga uyu munsi ikaba kuwa 3 na 48 mugihe uru rutonde ruyobowe na Sabah ifite amanota 62.
Leroy Jacques Michels akomeje kwitwara neza
