Abasore babiri batari bamenyekana bo mu Murenge wa Rubavu mu Karere ka Rubavu, bategeye mu nzira umugore witwa Kwiringira Sifa bamutera ibyuma arapfa.
Ibi byabaye ahagana Saa Mbiri z’ijoro ryo ku wa Kabiri tariki 12 Werurwe 2014.
Umunyamabanga Nshingwibikorwa w’umusigire w’Umurenge wa Rubavu, Innocent Habimana, yabwiye IGIHE, ko abasore babiri aribo bateye ibyuma uyu mugore ndetse batari bamenyekana.
Ati “Bamutegeye mu nzira bamutera ibyuma ako kanya hahise haza moto imuritse bariruka.”
Yongeyeho ko abanyerondo bahise batabara uyu mubyeyi bamujyana kwa muganga ariko ahita ahasiga ubuzima.
Nyakwigendera yasize abana babiri barimo n’utari wuzuza umwaka.
BYIRINGIRO Innocent
I am responsible for this article, not the BIGEZWEHO TV website. Please contact me if you need more information about it : +250 781 327 06
