Diomaye Faye atorewe kuba Perezida wa Gatanu w’iki gihugu nyuma yo gufungurwa kuko yari imfungwa ya Politiki cyane ko aturuka mu ishyaka Pastef (Patriotes Africains du Sénégal pour Travail, Éthique et la Fraternité) ritavugaga rumwe n’iryari ku butegetsi.

Ubusanzwe Urukiko rushinzwe kurinda itegeko nshinga iyo hamaze kuba amatora rwemeza bidasubirwaho ibyavuye mu matora.

Kuri uyu wa Gatanu tariki ya 29 Werurwe nibwo rwemeje amajwi y’agateganyo yari yatangajwe ku wa 27 Werurwe 2024, yerekanaga ko Faye Bassirou Diamoye ari we watsinze amatora y’umukuru w’Igihugu.

Faye yatsinze amatora nyuma yo kugira amajwi 54% nyuma yo guhigika umukandida wo mu ishyaka ryari ku butegetsi Amadou Ba wahoze ari Minisitiri w’Intebe w’iki gihugu wagize amajwi 35%.

Biteganyijwe ko azarahirira kuyobora iki gihugu ku wa 2 Mata 2024.

Urukiko rushinzwe kurinda itegeko nshinga rwemeje intsinzi ya Bassirou Diomaye Faye w’imyaka 44