Kuwa 17 Nyakanga 2025 u Rwanda rwasinyanye amasezerano na n’uruganda rutunganya sima mu Rwanda CIMERWA Plc y’imyaka 5 atanga uruhushya rwo gucukura (Industrial Quarry Licence Agreement) ayo masezerano akaba azafasha mu gutunganya iby’ibanze bikoreshwa mu gukora sima bizwi nka ‘clinker’ ubusanzwe ituruka mu mahanga.

Muri aya masezerano u Rwanda rwari ruhagarariwe n’Ikigo cy’Igihugu gishinzwe Iterambere, RDB n’Ikigo gishinzwe Mine, Gaz na Peteroli (RMB).

 Aya mazezerano akaba akubiyemo kwemerera CIMERWA Plc gushora miliyoni 190$ (arenga miliyari 273 Frw) yo kubaka uruganda rwa ‘clinker’ mu Karere ka Musanze.nkuko ibijyanye no gucukura ‘clinker’ byagarutsweho na minisitiri w’intebe Dr. Eduard NGIRENTE ku wa 28 Werurwe 2025, mu kiganiro yagejeje ku Nteko Ishinga Amategeko imitwe yombi.

Muri icyo kiganiro yibanze kubikorwa  bya Goverinoma bijyanye no kongera umusaruro w’inganda n’ibyoherezwa mu mahanga, hagamijwe iterambere rirambye ry’ubukungu.

 Yavuze ko Guverinoma y’u Rwanda yifuza ko inganda zose ziri mu gihugu zikoresha ubushobozi bwazo bwose kuko inyinshi ubu zikoresha ubushobozi buke cyane.

Yavuze ko hari ikigega kigiye gushyirwaho kizashyirwamo miliyari 500 Frw azashyigikira abikorera hagamijwe guteza imbere ibikomoka mu nganda byoherezwa mu mahanga no guteza imbere ubucukuzi bw’amabuye y’agaciro.

Ati “Inganda zikora sima zizafashwa kubona clinker, ni iby’ibanze bikoreshwa mu gukora sima ubundi twari dusanzwe tubikura hanze.

U Rwanda rero rwamaze gukora ubushakashatsi tubona ko iyo clinker dushobora kuyikorera mu Rwanda mu majyaruguru aho twabonye ishobora kuva igafasha izo nganda zacu zikora sima bikaba bizakorerwa mu Karere ka Musanze.” Dr. Ngirente yavuze ko bizafasha kuzigama arenga miliyoni 4,5$ asohoka buri kwezi yo kugura ‘clinker’ mu bihugu by’ibituranyi.

Yavuze ko mu bijyanye no gutunganya ibyuma hazafashwa inganda zisanzwe zikora ibyuma hamwe n’ururi kubakwa i Musanze, ruzafasha izisanzwe kubona ibikoresho by’ibanze zikeneye.

 Ni uruganda ruzakora ibyuma n’iby’ibanze bikenerwa mu gukora ibyuma ruzajya rukora toni ibihumbi 300 ku mwaka.