Imiterere ya ba Sonia

Sonia nta muntu n’umwe ajya yishingikirizaho, iyo akigera ahantu ashobora gutangaza abantu ahasanze bitewe n’uburyo yita ku bintu byose kandi akamenya kuvugisha abantu mu cyiciro barimo.

Ntakunda kumva ibitekerezo by’abandi, aba yumva yihagije kandi aterwa ishema no kugira ibyo ageraho nta muntu ubimufashijemo. Ashobora gushidikanya ndetse ntiyiyizere ariko agerageza kubihisha ndetse agira amarangamutima menshi ariko atagaragara inyuma. Yishimira gukundwa ndetse no gukora ibintu bituma abantu bamukunda. 

Kuba inshuti ye ni byiza kuko igihe cyose umukeneye akugoboka atazuyaje, azi kuvuga amagambo atanga ihumure, gusa we atoranya inshuti kuko ntapfa kwizera abantu kandi aha umwanya umuntu yizera yahisemo kubera impamvu runaka.

Akunda akazi gusa nanone akazi ke kagenda neza ari uko afite umubano mwiza n’abantu akorana nabo, abo mu muryango we ndetse by’umwihariko n’umukunzi we. Iyo akiri umwana, Sonia agira ubwigunge kandi ntapfa kuvuga uko yiyumva.

Ni umwizerwa kandi agira ibitekerezo byiza. Ababyeyi be biba byiza iyo bamutoje kuvugisha abantu, Sonia atangira gutekereza ku buzima bw’ahazaza akiri umwana cyane, ahangayikishwa n’bibiazbo by’ubuzima mu gihe abanfi bana baba bagitekereza ibintu bidakomeye.

Sonia akunda kuba ari wenyine no kwitekerezaho. Akunda gahunda ndetse no kubahiriza igihe. Akunda ibintu bidasanzwe, agira ibanga cyane kandi ntajya ahemuka, ibi abikora yaba ku nshuti ze ndetse n’umukunzi we.

Akazi aba yumva yakora ni akajyanye n’ikoranabuhanga, ubuganga, ubumenyi bw’ikirere, imitako, imideli ndetse n’ibindi bijyanye n’ubugeni.

Bimwe mu biranga ba Sonia

Bakunda gahunda, bakubahiriza igihe kandi bakunda kwicara bagafata umwanya bakitekerezaho.

Sonia ni umuntu ugwa neza, wita ku bantu , uhora yishimye kandi usabana na bose.

Akunda kurinda umuco, ntabwo aba yifuza ko ibintu by’amateka na kirazira byakwibagirana cyangwa ngo bisibangane.

Avamo umucamanza mwiza, unyepolitiki ndetse n’umukinnyi wa film cyangwa w’amakinamico.

Ni umuhanga kandi mu gushakisha ifaranga biramuhira. Ni gake cyane ushobora kubona ba Sonia bacitse intege usanga bazi kwikomeza bakajya mbere.

Kumva ko izina rye risobanura ubuhanga, bituma Sonia yumva ko agomba kuba umuntu w’umunyabwenge.

Ni umuntu ukemura ibibazo, Sonia aba yumva buri kibazo yakibonera igisubizo. Usanga ari abantu bafite uburanga kandi bakunda no kwiyitaho.

Iyo Sonia yagukunze aba yumva nawe wamukunda, abayifuza ko ibintu akorera abandi ko nawe byamugarukira.

Iyo akiri umwana, aba akunda ubuzima bwa wenyine, ntabwo abakunda kuvuga no gusabana ariko ibyo bigenda bihinduka uko agenda akura.

Bimwe birangirire bitwa Sonia

Sonia Gandhi: Umupfakazi w’uwahoze ari Minisitri w’Intebe mu Buhinde, Mahatma Gandhi.

Sonia Sotomayor: Ni umucamanza ukomeye muri Leta zunze ubumwe za Amerika.