Umucamanza wo muri Kenya warashwe n’umupolisi muri iki cyumweru yapfuye, nk’uko byatangajwe n’umukuru w’urukiko rw’ikirenga.
Martha Koome yanditse ku rubuga X, rwahoze ari Twitter, ko umucamanza mukuru wa Makadara, Monica Kivuti ’’yarushijwe ingufu n’ibikomere’’ [yagize igihe yaraswaga] birangira apfuye.
Uwo mugore, Kivuti, yarashwe n’umupolisi mu rukiko rwo mu murwa mukuru, Nairobi, ku wa kane nyuma y’aho afashe umwanzuro w’uko umugore w’uwo mupolisi arekurwa by’agateganyo ku byaha yashinjwaga.
Uwo mupolisi, wamenyekanye ku mazina ya Samson Kipchirchir Kipruto,nawe yahise araswa aricwa n’umupolisi mugenzi we amaze kurasa uwo mucamanza.
Abandi bapolisi batatu barakomeretse ariko bo bivugwa ko amagara yabo ari mazima.
Muri iryo tangazo yasohoye kuri uyu wa gatandatu, umukuru w’urukiko rw’ikirenga yanditse ati:
’’Umuryango wose w’abakora mu bucamanza ufatanye mu nda muri iki gihe kibabaje cyane kandi urasaba [abantu] kubyumva no kwifatanya [nawo] mu gihe cy’icyunamo.’’
BBC
