Umuyobozi w’umujyi wa Goma, yerekanye itsinda ry’urubyiruko ryatawe muri yombi rishinjwa imikoranire na M23
Umuyobozi w’umujyi wa Goma, yerekanye itsinda ry’urubyiruko ryatawe muri yombi rishinjwa imikoranire na M23
Kuri uyu wa gatanu, tariki ya 7 Kamena 2024, umuyobozi w’umujyi wa Goma, Superintendent Faustin Kapend Kamand, yerekanye itsinda ry’abo bise ko ngo ari abafatanyabikorwa ba M23.
Uru rubyiruko rwatawe muri yombi mu rwego rwa Operation ngo bise Safisha Mji wa Goma (Gusukura umujyi wa Goma), byakozwe ku mabwiriza ya guverineri wa gisirikare wa Kivu y’Amajyaruguru, Jenerali Majoro Peter Chirimwami, na polisi, ndetse n’izindi nzego zitandukanye.Ubuyobozi bw’uyu mujyi bwavuze ko aba bafashwe bari basanzwe bafite ubwato mu kivu bifashishaga bajya mu bice M23 igenzura.
Nta makuru arambuye ubuyobozi bwa Goma bwatanze ku gufatwa kw’aba bantu ndetse nta n’ibimenyetso bifatika batanze ku buryo bigoranye kumenya niba koko aya makuru ari impamu, gusa ku ruhande rwa M23 ntacyo rurabitangazaho. Icyakora ubuyobozi bw’aba barwanyi bwagiye bwerekana abasirikare bakomeye bo ku ruhande rwa FARDC bayivamo bakabasanga mu bice bafashe bagakomezanya urugamba.
Si abo gusa kuko abaturage benshi bagiye bagaragara bashyigikiye aba abarwanyi ndetse bakabajya mu gisirikare cy’uyu mutwe kugirango bashobore kwirwanaho mu gihe FARDC n’abafatanyabiukorwa bayo babagabyeho ibitero.
Ibirebana n’imirwano byo ku ruhande rw’igisiriakare cya Leta na M23 ikomereje mu bice bya Kanyabayonga, aho kugeza ubu amakuru atandukanye avuga ko aka gace kamaze gufatwa n’intare z’isarambwe.
