Muri tombola yabaye uyu munsi,ikipe ya Real Madrid ihorana amahirwe yo kwegukana UEFA Champions League kubera ko imaze gutwara 14,yaherukaga gusezererwa muri 1/2 cy’irushanwa riheruka atsinzwe ibitego 5-1 mu mikino yombi.Ibi bizakomeza uyu mukino.

Mu mwaka wari wabanje nabwo izi kipe zari zahuriye muri 1/2 aho Real Madrid yasezereye Man City bitunguranye.

Real Madrid ntiratsinda Man City mu mikino itanu ya UEFA Champions League baheruka guhura yanganyije umwe itsindwa 4.

Mu wundi mukino,Arsenal ikundwa na benshi mu Rwanda yatomboye Bayern Munich yaherukaga kuyitsinda ibitego 10-2 mu mikino yombi,ari nabwo Arsenal yaherukaga muri 1/8 cy’irangiza.

Iyi ni inshuro ya karindwi Arsenal igiye guhura na Bayern Munich muri iri rushanwa, aho mu mikino 14 bakinnye Arsenal yatsinze eshatu,banganya kabiri mu gihe yatsinzwe inshuro zirindwi.

Amakipe yatomboye niyo azabanza kwakira bivuze ko Arsenal,Atletico Madrid,Real Madrid na PSG zizabanza mu rugo.

Imikino ibanza izakinwa tariki ya 9 na 10 Mata 2024 mu gihe iyo kwishyura izakinwa nyuma y’icyumweru,kuwa 16 na 17 Mata 2024.

Muri 1/2,imikino izakinwa

Umukino ubanza — Kuwa 30 Mata na 1 Gicurasi 2024.
Uwo kwishyura — Kuwa 7 na 8 Gicurasi 2024.

Umukino wa nyuma uzaba kuwa 1 Kamena 2024,i Wembley.

Uko tombola yagenze:

Arsenal v Bayern Munich
Atletico Madrid v Borussia Dortmund
Real Madrid v Manchester City
Paris Saint-Germain v Barcelona

Uko amakipe azahura muri 1/2 cya UEFA Champions League:

Ikipe izarokoka hagati ya Atletico Madrid x Dortmund izahura n’izarokoka hagati ya Paris Saint-Germain x Barcelona

Izarokoka hagati ya Real Madrid x Man City izahura n’izarokoka hagati ya Arsenal x Bayern München.