Hatagize igihinduka Ihuriro AFC/M23 rishobora kwihorera nyuma yo kuraswaho n'Ingabo za Leta
Hatagize igihinduka Ihuriro AFC/M23 rishobora kwihorera nyuma yo kuraswaho n'Ingabo za Leta
Mu itangazo ryashyizweho umukono n'umuvugizi wa AFC/M23, Lawrence kanyuka rivuga ko Abagize ihuriro ry'Ingabo za Leta bakomeje kwica Abasivile no kutubahiriza icyemezo cy'agahenge impande zombi zari zafashe.
Ni itangazo ryasohotse mu ijoro ryo ku wa 10 Mata 2025, ri huriro ryatangaje ko ihuriro ry'Ingabo za Leta rigizwe na FARDC, FDLR, Mai-Mai/Wazalendo n’Ingabo z’u Burundi zikomeje kwica agahenge ndetse no guhonyora uburenganzira bwa muntu, bitandukanye n'ibyo impande zombi zarri ziyemeje.
Iri tangazo kandi rivuga ko kuva nyuma yaho umutwe wa M23 urekuriye umujyi wa Walikare ukigarurirwa n'Ingabo za Leta n'abambari bazo batangiye gusahura no kwica Abasivile muri uwo Mujyi.
AFC/M23 yagaragaje ko Abo mu bwoko bw'Abanyamurenge bakomeje kwicwa, urugero rukaba ari igitero cyatewe muri Teritwari ya Minembwe ku wa 08 Mata. M23 ivuga ko yo icyo ishyize imbere ari icyagarura amahoro mu burasirazuba bwa Congo.
Ibi bije nyuma yuko ibiganiro byari guhuza abo mu ihuriro AFC/M23 ndetse na Leta ya Kinshasa ku wa 09 Mata 2025 i Doha muri Qatar bitabaye, amakuru akaba avuga ko byatewe nuko ihuriro AFC/M23 ryabanje gusaba Guverinoma ibyo ibanza gutunganya mbere yuko binjira mu biganiro.
Hari amakuru kandi avuga ko uwahoze ari Perezida wa DRC, Joseph Kabila Kabange yaba yaramaze kugera mu mujyi wa Goma, aho agiye kwifatnya n'ao mu ihuriro AFC/M23 muri gahunda yo guhirika ubutegetsi bwa Perezida Tshisekedi.
