Aba baheruka mu Rwanda mu minsi ishize, bahagiriye ibihe byiza by’ibiruhuko ari nabyo Miss Kenza yibukije umukunzi we ubwo yamwifurizaga isabukuru y’amavuko.

Umukunzi wa Miss Kenza ubusanzwe yitwa Seppe D’Espallier, ni umusore wujuje imyaka 25 y’amavuko akaba ari gusoza icyiciro cya gatatu cya kaminuza mu bijyanye na ‘Biomedical’.

Uretse ibijyanye n’amasomo ye, Seppe D’Espallier, asanzwe ari umukinnyi wa Basketball ufite izina rikomeye mu Bubiligi wanyuze mu ikipe ya Antwerp Giants imyaka ibiri mbere y’uko asinyira Kortrijk Spurs bakunze kwita ‘House of Talents Spurs’ mu 2023.

Miss Kenza usanzwe ari Umunyamideli wabigize umwuga, avuka ku mubyeyi w’Umunyarwanda witwa Gakire Joselyne na Se w’umubiligi.

Yavukiye mu Bubiligi ahigira amashuri abanza n’ayisumbuye, ubu ni naho akorera, ari naho yakundaniye na Seppe D’Espallier.

Amafoto ya Miss Kenza n'umukunzi we mu Kiyaga ya Kivu ahora abakumbuza u Rwanda

Miss Kenza yifashishije amafoto ari kumwe n'umukunzi we mu Rwanda, amwifuriza isabukuru nziza

Seppe D’Espallier ni umwe mu bari baherekeje Miss Kenza ubwo yahataniraga ikamba rya 'Miss Belgique'

Ubwo Miss Kenza yari akimara gutorwa, umwe mu babyishimiye ni Seppe D’Espallier basanzwe bakundana

Seppe D’Espallier ni umwe mu bakinnyi bafite izina rikomeye mu mukino wa Basketball mu Bubiligi