Rulindo: Umuyobozi w'akarere yasabye abayobozi mu nzego z'ibanze gushyira imbaraga mu irondo mu rwego rwo kurushaho kunoza , umutekano
Rulindo: Umuyobozi w'akarere yasabye abayobozi mu nzego z'ibanze gushyira imbaraga mu irondo mu rwego rwo kurushaho kunoza , umutekano
Ibi yabigarutseho mu nama y’umutekano yateranye kuri uyu wa gatatu yahuje abagize komite y’umutekano itaguye y’Akarere abakora mu nzego z'umutekano bose guhera ku kagali,abayobozi b’imirenge n’abutugali ndetse n'abashinzwe kwita ku bafite uburwayi bwo mu mutwe mu bigo nderabuzima.
Muri iyi nama umuyobozi w'akarere ka rulindo Mm mukanyirigira Judith yabanje kwibutsa abitabiriye inama gahunda y'igihugu y'icyerekezo 2050 n'inshingano z'abayobozi mu kugera kuri iyi ntego.
Nyuma yo kubasobanurira gahunda y'igihugu y'icyerekezo 2050 inama y'umutekano yakomeje yiga ku ngingo zitandukanye zirimo Kurebera hamwe uko umutekano wari wifashe mu mezi 3 ashize.
Nyuma yo kugaragarizwa ibyaha byagaragaye muri Rulindo, Umuyobozi w’Akarere ka rulindo Madamu MUKANYIRIGIRA Judith yasabye abayobozi gukomeza gushyira imbaraga mu mikorere y'amarondo n'ibigo bishinzwe gucunga umutekano kugirango umutekano urusheho gukomeza kuba mwiza.
Izindi ngingo zasuzumwe muri iyi nama harimo uko gahunda y'intore mu biruhuko iri kwitabirwa ishyirwa mubikorwa ry'igihano cya TIG, ingamba zo kurwanya inzoga z'inkorano, gukumira amakimbirane yo mu miryangono kurwanya ubucukuzi bw'amabuye y'agaciro butemewe.
Nyuma yo kungurana ibitekerezo hafashwe ingamba zitandukanye zigamije kurushaho kunoza umutekano,umuyobozi wa karere ka rulindo kandi yasabye abitabiriye inama kujya mu nshingano bakazishyira mu bikorwa.
Yanditswe na Nkurunziza Bonaventure
