Mu gihugu cya Uganda umusirikare yiyahuye nyuma yuko ikipe yafanaga ya Manchester united itsinzwe na Arsenal
Kuwa 15 Kanama nibwo shampiyona y'icyiciro cya mbere mu mupira w'amaguru mu Bwongereza yatangiye maze amakipe aratsindana karahava icyakora umukino wari utegerejwe kurusha indi ari uwagombaga guhuza Arsenal na Manchester united ni umukino warangiye Arsenal itsinze Manchester united 1-0.
Nyuma yuyu mukino umusirikare wa Uganda wakoreraga mu karere ka kisoro witwa Samuel kwesigya w'imyaka 32 y'amavuko wari usanzwe afite ipeti rya private wari warihebeye ikipe ya Manchester united yahise yirasa kubera ko Manchester united yatsinzwe na Arsenal.
Umurambo wa nyakwigendera wabonetse mu gace ka kigyeyo gaherereye mu I santere ya nyanamo iperereza ryibanze ryakozwe ryagaragaje ko mu masaaha ya nimugoroba pte kwesigya yagiye kureba uyu mukino mu I santere ya nyanamo maze bigeze nijoro abwira bagenzi be ko yumva ananiwe ashaka kujya kuruhuka maze aragenda yifungirana mu cyumba maze hashize akanya mu cyumba cye humvikana isasu.
Abasirikare bagenzi be bagiye kureba ikibaye ariko bagerageje kumuvugisha ntiyavuga bamena idirishya baranjira maze basanga yitabye Imana.
Umuvugizi wa polisi Mu ntara ya kigezi Elly Maate yatangaje ko itsinda ry'abapolisi n'abasirikare bari mu iperereza bamaze kumva ubuhamya bwabageze ku murambo wa pte kwesigya kandi ko umurambo wa nyakwigendera wahise ujyanwa mu bitaro bya kisoro ngo ukorerwe isuzuma.
